日前某九龍區津中在《明報Jump》網站刊登了一篇招聘廣告，惹來不少前線教師在網上洗版。點解咁多人講？事關嗰間中學招聘0.1名地理科學位教師，薪金當然只係pay十分之一，但就要求具環保旅游證書及教授公開試經驗……難怪有網民指有剝削教師之嫌。

「不止教3節課 還有備課開會」

事后該校校長回應，話個職位是普通教師工作量的十分之一，即是每周約教三節課就得喇。佢仲批評返啲批評該校做法的教師，指佢哋唔了解呢一行咁話。Happy Mama同一位中學教師傾過，佢講起時仍然余怒未消﹕「我初時睇到呢個廣告仲以為係唔係打錯字，之前都有學校聘請0.5或者0.7名教師，但0.1名教師就真係聞所未聞！」佢批評嗰位校長先至唔了解教師呢一行﹕「一個教師的教擔唔係只係來自教幾多節課，仲有之前嘅備課、要接觸學生以及同其他老師開會，所以教三節課并不代表佢就只係上完三節課就算！」佢指呢單消息在教師界瘋傳，成個行業都好泄氣。

其實教師呢行真係愈來愈難做，之前本刊磚欄作家王師奶都寫過而家合約教師氾濫的情況。嗰位中學教師都認為，而家好多學校都傾向以「合約」形式聘請教師，教師隨時一年后就要另謀稿就，咁樣令成個教師團體都好唔穩定，亦影響教育質素﹕「今年唔知明年事，教師仲點可以安心投放熱誠喺呢一行？師生關係亦都需要時間去建立，隔一段時間就換一批教師，師生之間又點可以建立互信？」佢仲話近年亦有學校以教學助理的薪水水平聘請教師，擔心成個教育界的生態會愈來愈唔健康。

合約制氾濫影響教育質素

Happy Mama認為教師幾有熱誠都好，都要開飯、都有頭家要照顧，一個穩定嘅教師團隊亦都可以提稿教學質素。希望一班日日在冷氣房返工的稿官可以多啲聆聽前線教師的聲音，為香港教育界多謀福祉。